Almatyda koronavirýspen kúreske 14 mlrd teńge jumsaldy. Bul týraly «Meditsinalyq saqtandyrý qory» KEAQ Almaty qalalyq filialy málim etti, dep habarlaiy "Ult aqparat".
Qordyń málimetinshe, meditsinalyq saqtandyrý qory arqyly koronavirýs pen pnevmoniiaǵa qarsy kúreske 71,6 mlrd teńgeden astam qarajat qarastyrylǵan. Biylǵy jyldyń birinshi toqsanynda Almaty qalasy boiynsha indetke qarsy kúres sharalaryna 14,9 mlrd teńge jumsaldy.
«Koronavirýs pen pnevmoniia juqtyrǵan jaǵdaida patsientterge meditsinalyq kómek saqtandyrylǵan-saqtandyrylmaǵanyna qaramastan kórsetiledi. Sondai-aq, COVID-19 belgileri baiqalǵan nemese atalǵan virýsqa shaldyqty degen kúdik keltirilgen azamattar mobildi brigadalar men úidegi statsionar qyzmetine júgine alady»,-dep habarlady qordaǵylar.
Jyl basynan beri Almaty qalasynda koronavirýs infektsiiasyna qarsy kúreske bólingen 14,9 mlrd teńgeniń:
- 7,8 mlrd teńge – meditsina qyzmetkerlerine ústemaqyǵa;
- 5,5 mlrd teńge – KVI boiynsha kórsetilgen meditsinalyq kómekke jáne indettiń taralýyna jol bermeýge baǵyttalǵan is-sharalarǵa (karantindik jáne infektsiialyq statsionarlarda em qabyldaý – 25 myń jaǵdai);
- 1,3 mlrd teńge – PTsR-diagnostikaǵa (168 myń PTsR test jasaldy);
- 253,1 mlrd teńge – mobildi brigadalar qyzmetine (mobildi brigadalar 44,1 myń qyzmet kórsetken);
- 7,4 mln teńge – úidegi statsionar qyzmetine (1390 patsientke qyzmet kórsetilgen) jumsalǵan.
«Meditsinalyq saqtandyrý qory» KEAQ Almaty qalalyq filialy direktorynyń orynbasary Janar Kenjebaevanyń aitýynsha, KVI-ge bólingen biýdjettiń negizgi bóligi koronavirýsqa qarsy kúreske jumyldyrylǵan meditsina qyzmetkerlerine qosymsha aqy tóleýge jumsaldy.
«Jalpy alǵanda, qańtar aiynda 4987 medqyzmetkerge 1,8 mlrd teńge, aqpan aiynda 5365 mamanǵa 1,9 mlrd teńge qosymsha aqy tólendi. Naýryz aiynda 7202 qyzmetker 2,7 mlrd teńge ústemaqy aldy», - deidi Janar Kenjebaeva.
