Almatyda koronavirýspen kúreske bólingen 12,2 mlrd teńgeniń 8,9 mlrd teńgesi igerilgen, dep habarlaidy "Ult aqparat".
«Koronavirýspen kúreske 12,2 mlrd teńge bólindi. 1 shildede qarjylandyrý kólemi 11,4 mlrd teńge boldy, onyń 86,8%-y, 8,9 mlrd teńgesi igerilgen», - dedi Qoǵamdyq keńes otyrysynda Almaty boiynsha reviziialyq komissiia tóraǵasynyń orynbasary Álfiia Raqysheva.
Biýdjettik baǵdarlama ákimshileri usynǵan aqparatqa sáikes koronavirýsqa qarsy Almatyda jeke qorǵanys quraldary satylyp alynǵan, aýrýhana salynǵan. Sondai-aq, kólik quraldaryn, podezder men aýlalardy zararsyzdandyrý júrgizilgen. Qoǵamdyq tártip pen qoǵamdyq qaýipsizdikti qamtamasyz etý qyzmetterinde jumys isteitin, epidemiologiialyq sharalardy uiymdastyrýǵa qatysqan azamattardy ornalastyrýǵa qarajat jumsaldy.
