الماتىدا كوروناۆيرۋسپەن كٷرەسكە بٶلٸنگەن 12,2 ملرد تەڭگەنٸڭ 8,9 ملرد تەڭگەسٸ يگەرٸلگەن, دەپ حابارلايدى "ۇلت اقپارات".
«كوروناۆيرۋسپەن كٷرەسكە 12,2 ملرد تەڭگە بٶلٸندٸ. 1 شٸلدەدە قارجىلاندىرۋ كٶلەمٸ 11,4 ملرد تەڭگە بولدى, ونىڭ 86,8%-ى, 8,9 ملرد تەڭگەسٸ يگەرٸلگەن», - دەدٸ قوعامدىق كەڭەس وتىرىسىندا الماتى بويىنشا رەۆيزييالىق كوميسسييا تٶراعاسىنىڭ ورىنباسارى ەلفييا راقىشەۆا.
بيۋدجەتتٸك باعدارلاما ەكٸمشٸلەرٸ ۇسىنعان اقپاراتقا سەيكەس كوروناۆيرۋسقا قارسى الماتىدا جەكە قورعانىس قۇرالدارى ساتىلىپ الىنعان, اۋرۋحانا سالىنعان. سونداي-اق, كٶلٸك قۇرالدارىن, پودەزدەر مەن اۋلالاردى زارارسىزداندىرۋ جٷرگٸزٸلگەن. قوعامدىق تەرتٸپ پەن قوعامدىق قاۋٸپسٸزدٸكتٸ قامتاماسىز ەتۋ قىزمەتتەرٸندە جۇمىس ٸستەيتٸن, ەپيدەميولوگييالىق شارالاردى ۇيىمداستىرۋعا قاتىسقان ازاماتتاردى ورنالاستىرۋعا قاراجات جۇمسالدى.
