Koronavirýspen kúresti jáne odan jahandy qutqaryp qalý áreketin beineleitin ashyq boiaýly sýretter Tóle bi jáne Chokin kósheleriniń qiylysyndaǵy úi qabyrǵasyna salyndy, dep habarlaidy "Ult aqparat".
Almaty qalasynyń ákimi Baqytjan Saǵyntaev óziniń Twitter áleýmettik jelisindegi paraqshasynda bul bizdiń densaýlyǵymyz ben qaýipsizdigimiz úshin jan aiamai kúresip júrgen dárigerlerge, áskeriler jáne politseilerge alǵys bildirgen ekinshi mýral ekenin jazdy.
Mýraldyń avtorlary – tanymal sýretshiler Tamara Elfimova men Djohar Iýnýsov. Olardyń oiynsha, bul graffiti pandemiiany jeńetinimizdiń simvoly jáne osynaý kúrdeli kezeńdegi jankeshti eńbekterimizdi eske salyp turýy tiis.
Eske salaiyq, pandemiiamen kúreste aldyńǵy shepte júrgen dárigerler eńbegine arnalǵan buǵan deiingi alǵashqy mýraldy Ádi Sháripov kóshesi, 118-úidiń qasbetine sýretshi Jumadil Elýkenov beinelengen bolatyn.
