Almatyda koronavirýs infektsiiasy rastalǵandardyń 97 paiyzy syrttan juqtyryp kelgen. Bul týraly búgin onlain brifing barysynda qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova aitty, dep habarlaidy QazAqparat.
Almaty qalasynyń bas sanitar dárigeriniń aitýynsha, koronavirýsqa shaldyqqandardyń 3 paiyzy ǵana Qazaqstanda juqtyrǵan.
«Osy ýaqyt aralyǵynda 13 naýryzdan bastap aýrýdyń órshýi 3 ret baiqalǵan. 5-shi kúni - táýligine 9 adam, 15-shi kúni - 16 adam, 18-shi kúni - 10 adam tirkelgen. Taldaý nátijelerine sáikes 73 adamnyń 97 paiyzy syrttan juqtyryp kelgeni anyqtaldy. Basqa elden kelgen 26 adam kelesi kúni 45 adamǵa juqtyrǵan. Almatyda bolǵan 2 adamnyń bailanysta bolǵan adamdary sanaýly ǵana», - dedi ol.
Qalalyq bas sanitar dáriger infektsiia kóbine qai elderden kelgenin aitty.
«Aýyrǵandardyń 40% - Máskeýden, 23% - Berlin-Almaty reisinen, 20% - Sankt Peterbýrg-Almaty reisinen, 17% - Minsk-Almaty reisimen kelgender», - dedi ol.
Onyń aitýynsha, aýyrǵandar jas ereksheligine qarai toptastyrylǵan. Olardyń kópshiligi - 30-39 jas aralyǵynda, odan keiingileri - 20-29 jas aralyǵynda, úshinshi topqa 50-59 jastaǵy adamdar kiredi.
Almatyda koronavirýs juqtyrǵandardyń 62,5% - áielder, 37,5% - erler.
