Almaty qalasynda bir táýlikte 11 429 adam koronavirýsqa qarsy vaktsina saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy "Ult aqparat".
«18 tamyz kúni 11 429 almatylyq vaktsina saldyrdy. Koronavirýsqa qarsy vaktsinanyń I komponentin 5 153, II komponentin 6276 adam aldy. Biylǵy jyldyń 1 aqpany men 18 tamyzy aralyǵynda qalada barlyǵy 828 376 adam vaktsina aldy. Vaktsina saldyrǵandardyń ishinde 109 203 adamnyń jasy 60-tan asqan»,- dep habarlady basqarmadan.
Qalada 160 pýnkt jumys istep tur. 1 028 adamnan turatyn 237 egý brigadasy bar.
Sonymen qatar, 40 kóshpeli mobildi brigada uiymdastyrylǵan.
«Qazir meditsina uiymdarynda, mektepterde, mádeniet, sport nysandarynda, bazarlar men qalanyń saýda oiyn-saýyq ortalyqtarynda vaktsinatsiia pýnktteri jumys isteidi» - dep naqtylady densaýlyq saqtaý basqarmasynyń baspasóz qyzmeti.
