الماتى قالاسىندا بٸر تەۋلٸكتە 11 429 ادام كوروناۆيرۋسقا قارسى ۆاكتسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى مەلٸم ەتتٸ, دەپ حابارلايدى "ۇلت اقپارات".
«18 تامىز كٷنٸ 11 429 الماتىلىق ۆاكتسينا سالدىردى. كوروناۆيرۋسقا قارسى ۆاكتسينانىڭ ٸ كومپونەنتٸن 5 153, II كومپونەنتٸن 6276 ادام الدى. بيىلعى جىلدىڭ 1 اقپانى مەن 18 تامىزى ارالىعىندا قالادا بارلىعى 828 376 ادام ۆاكتسينا الدى. ۆاكتسينا سالدىرعانداردىڭ ٸشٸندە 109 203 ادامنىڭ جاسى 60-تان اسقان»,- دەپ حابارلادى باسقارمادان.
قالادا 160 پۋنكت جۇمىس ٸستەپ تۇر. 1 028 ادامنان تۇراتىن 237 ەگۋ بريگاداسى بار.
سونىمەن قاتار, 40 كٶشپەلٸ موبيلدٸ بريگادا ۇيىمداستىرىلعان.
«قازٸر مەديتسينا ۇيىمدارىندا, مەكتەپتەردە, مەدەنيەت, سپورت نىساندارىندا, بازارلار مەن قالانىڭ ساۋدا ويىن-ساۋىق ورتالىقتارىندا ۆاكتسيناتسييا پۋنكتتەرٸ جۇمىس ٸستەيدٸ» - دەپ ناقتىلادى دەنساۋلىق ساقتاۋ باسقارماسىنىڭ باسپاسٶز قىزمەتٸ.
