Almatyda osy ýaqytta koronavirýsty jańadan juqtyrǵandar sany - 23. Onyń ishinde Balalar qalalyq klinikalyq juqpaly aýrýlar aýrýhanasynyń 1 meditsina qyzmetkeri bar dep habarlaidy "Ult aqparat" coronavirus2020.kz saityna silteme jasap.
Sait taratqan aqparattarǵa qaraǵanda, qalada sonymen qatar taǵy 22 adam indet juqtyrǵan adammen bailanysta bolǵandar qatarynda tur.
Keshe koronavirýstyq infektsiia rastalǵan taǵy bir patsient kóz jumdy. Bul 1960 jyly týǵan patsient 8 sáýirden bastap júrek-ókpe jetkiliksizdigi, kaheksiiasyna (aǵzanyń tozýy) bailanysty aýyr halde Ortalyq qalalyq klinikalyq aýrýhanasynyń provizorlyq bólimshesinde emdeýde boldy. Alynǵan taldaýlary oń nátije berdi.
Qazirgi ýaqytta infektsiialyq statsionarlarda Almaty oblysynan bir áiel adamdy esepke ala otyryp, Covid-19-dan 330 patsient emdelýde.
Provizorlyq gospitaldarda 368 adam jatyr, onyń 7-ýi bala, karantindik oqshaýlaýda – 426, úi karantininde – 7288 adam bar.
Koronavirýstyq infektsiiany juqtyrýdyń rastalǵan barlyǵy 393 jaǵdaiy tirkelgen, onyń ishinde 6-y balalar jáne 4 júkti áiel.
