Almatyda koronavirýs juqtyrǵandar sany azaidy. Bul týraly onlain brifing barysynda qalanyń bas sanitarlyq dárigeri Jandarbek Bekshin málim etti, dep habalaidy QazAqparat.
«Megapoliste epidemiianyń tórtinshi tolqynynyń tómendeýi baiqalady. 2 qyrkúiekte juqtyrý 1 859-dan 1 264 deiin azaidy. Almaty qalasy halqynyń 45 paiyzynda immýndyq qabat qalyptasty. Qazirgi ýaqytta kún saiyn koronavirýsqa qarsy 3 myńǵa jýyq adam vaktsina alady», - dedi Jandarbek Bekshin.
Sanitarlyq-epidemiologiialyq departament basshysynyń aitýynsha, epidemiologiialyq zertteýlerdiń qorytyndysy boiynsha qalada virýsty kóbine 20-39 jas aralyǵyndaǵy azamattar juqtyrady.
«Jastar arasynda juqtyrý - 35%, 40-59 jastaǵylar - 24% jáne 60 jastan asqandar arasynda 23%. Ótken aptada koronavirýsty juqtyrýdyń negizgi oryndary anyqtaldy. Ol – saýda oryndary - 33%, otbasylyq bailanys - 18%, qoǵamdyq kólikter - 17%, bazarlar - 13%», - dedi ol.
Sonymen qatar, ol karantin talaptaryn jeńildetý tsifrlyq tehnologiialardy, iaǵni Ashyq qosymshasyn qoldaný arqyly múmkin bolǵanyn tilge tiek etti.
