Almatyda koronavirýs infektsiiasyn juqtyrýǵa qatysty rastalǵan 1 622 jaǵdai tirkeldi.
«Megapoliste koronavirýs infektsiiasyn jańadan juqtyrǵan 39 adam anyqtaldy. Keshe 13 jáne búgin 26 jaǵdai belgili boldy. Barlyǵy provizorlyq gospitalda jatqan karantindegi adamdar. Buǵan deiin olar virýs juqtyrǵan naýqastarmen bailanysta bolǵan.Sońǵy kúnderi Covid-19 virýsyna oń nátijeler tek karantindegi adamdardan anyqtaldy. Jańa juqtyrý oshaqtary joq», – dep habarlady qalalyq Qoǵamdyq densaýlyq saqtaý basqarmasynyń baspasóz qyzmeti.
Statsionarlardaǵy Covid-19 virýsy bar 33 emdelýshiniń jai-kúii – aýyr, 237 adamda – aýyrlyqtyń ortasha dárejesinde jáne qalǵan naýqastarda simptomsyz jeńil túrde ótýde.
Statsionarlarda koronavirýs infektsiiasynan 1 145 adam, provizorlyq gospitaldarda 404 azamat emdelýde, karantinde – 329 adam jáne úide oqshaýlanýdaǵy 15 327 turǵyn bar.
Qazirgi ýaqytta Almaty qalasynda ÓJJ apparatymen emdelip jatqandardyń arasynda jaǵdaiy asa aýyr dárejedegi naýqas joq.
Búgingi kúni Almatyda koronavirýs indeti boiynsha jaǵdai turaqtaldy.
«Almatyda atalǵan virýstan emdelip jatqan adamdardyń basym kópshiliginde, dálirek aitqanda naýqastardyń 77%-da bul syrqat jeńil túrde ótip jatqanyn, iaǵni halyqaralyq tájiribege sáikes olar emdeýdi qajet etpeitindigin jáne virýsty tikelei tasymaldaýshy ekendigin esterińizge salamyz. Bul emdelýshilerge qatysty, eger úidegi karantinge olarda tiisti jaǵdailar jasalǵan bolsa, onda olardy úi karantinine jiberý máselesi qaralatyn bolady, eger tiisti jaǵdai jasalmaǵan bolsa, onda karantindik statsionarlarda bolady. Mysaly, qazirgi ýaqytta Almatyda aýrýy jeńil túrde júrip jatqan 68 meditsina qyzmetkeri úi jaǵdaiynda ózin-ózi oqshaýlaý arqyly emdelýin aiaqtaýǵa aýrýhanadan shyǵarylǵan», - dep atap ótti basqarmanyń baspasóz qyzmeti.
Sonymen qatar, simptomsyz tasymaldaýshylarda koronavirýs infektsiiasy anyqtalǵan jaǵdaida, patsient klinikalyq tekserýden ótip, 3 kún boiy baqylaýda bolady jáne emdeýge jatqyzylady, sodan keiin ǵana úi karantinine jiberiletindigin eskerý qajet.
Keshe koronavirýs infektsiiasynan saýyǵyp, 38 adam emdeýden shyǵaryldy.
Megapoliste jalpy virýs juqtyrǵandar ishinen saýyǵyp shyqqan emdelýshiler sany búgingi kúni 29 paiyz. Al úi karantinine shyǵarylǵandardy esepke alǵanda 33 paiyzǵa jetti.
