Almatyda koronavirýs juqtyrǵan patsientterdiń biri aýrýhanaǵa ózi barǵan. Bul týraly búgin qalalyq Qoǵamdyq densaýlyqty saqtaý basqarmasynan málimdedi, dep habarlaidy "Ult aqparat".
«Keshe Almatyda taǵy bir adamnyń juqtyrǵany anyqtaldy. 1986 jyly týǵan áiel Almaty-Stambýl baǵytyndaǵy reispen 15 naýryzda tańǵy saǵat 6-da kelgen. Ol arnaiy kategoriiaǵa jatpaityn elden kelgen soń karantinge jatqyzylmady. Keshe alynǵan qan taldaýy oń nátije kórsetti», - dedi basqarma basshysy T.Ábildaev.
Onyń aitýynsha, áiel tamaǵy jybyrlap ózin jaisyz sezingen soń qalalyq klinikalyq aýrýhanaǵa jatqyzylǵan.
«Ol qyzben bailanysta bolǵandardyń barlyǵy anyqtalyp, karantinge jabyldy», - dediol.
Aita ketý kerek, COVID-19 epidemiologiialyq ahýaly boiynsha Qazaqstanda juqtyrǵandar sany ár saǵat saiyn ózgerip jatyr.
Dál qazirgi ýaqytta elde aýyrǵandar sany 32-ge jetti.
