Almatyda COVID-19 juqtyrǵan eki naýqastyń jaǵdaiy aýyr. Ekeýi de tynys alýy qiyndaýyna bailanysty ókpeni jasandy jeldetý apparytyna qosylǵan, - dep habarlaidy qoǵamdyq densaýlyq saqtaý basqarmasy.
27 sáýirde Almatyda koronavirýs infektsiiasyn juqtyrǵandar sany - 847 adam.
«Keshegi kúni taǵy 5 jańadan virýs juqtyrý jaǵdaiy anyqtaldy. Onyń tórteýi - karantindegi naýqaspen bailanysta bolǵandar. Onyń ishinde 1989 jyly týǵan eki er adam jáne 1971, 1958 jyly týǵan eki áiel kisi bar. Al besinshisi - keshe «Atyraý - Almaty» reisimen ushyp kelgen 1988 jylǵy áiel. Ekipajdyń barlyq músheleri karantinge jatqyzyldy»,– dep habarlaidy qalalyq densaýlyq saqtaý basqarmasy.
Eki naýqastyń jai-kúii asa aýyr, 29 adamdyki – aýyr, 214 adamda – ortasha aýyr, qalǵan patsientterdiń jaǵdaiy birqalypty.
Basqarmanyń málimetinshe, eki naýqas tynys alýy qiyndaýyna bailanysty ÓJJ apparatyna qosylǵan.
Juqpaly aýrý statsionarlarynda 744 adam jatyr.
Provizorlyq gospitaldarda 481 adam jatyr, onyń ishinde 11 bala bar. Karantindik oqshaýlaýda - 415 adam, onyń beseýi - bala. Provizorlyq jáne karantindik statsionarlarda bos oryndar jetkilikti ekenin aita ketken jón.
Búgingi kúnge deiin Almatyda 96 adam saýyǵyp, úiine oralǵan. Onyń ishinde altaýy - balalar.
