Almatyda karantinge jabylǵan Ortalyq qalalyq klinikalyq aýrýhanada koronavirýs juqtyrǵan dárigerlermen bailanysta bolǵan 316 adam oqshaýlandy. Bul týraly Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova brifing barysynda aitty, dep habarlaidy "Ult aqparat".
«Biz jaqyn bailanysta bolǵan 316 adamdy oqshaýladyq. Munyń Almatydaǵy eń úlken klinika ekenin eskerý kerek. Munda 1000-nan asa qyzmetker bar. 316 adam oqshaýlanyp, baqylaýǵa alyndy», - dedi Aizat Moldaqasymova brifing barysynda.
Búginde Almaty boiynsha barlyǵy 27 dárigerdiń virýs juqtyrǵany anyqtaldy. Osy jaǵdai boiynsha epidemiologiialyq tergeý bastaldy.
