Almaty qalasynda koronavirýs jalpy 218 meditsina mamanynan anyqtaldy, dep habarlaidy "Ult aqparat" coronavirus2020.kz-ke silteme jasap.
14 sáýir, saǵat 13.00-den bastap Almaty qalasynda koronavirýs infektsiiasynyń jańadan 24 oqiǵasy anyqtaldy. 15 sáýir, saǵat 12.30-daǵy sońǵy málimet boiynsha, qalada barlyǵy 370 naýqas tirkelgen. Onyń ishinde 6 bala jáne 3 úsh júkti áiel bar.
Ortalyq qalalyq klinikalyq aýrýhanasynda jatqan 215 adamnyń barlyǵynan koronavirýske analiz alynǵan. 18 patsientte taldaý oń nátije kórsetti.
Búginde Almatyda indetti juqtyrǵan meditsina qyzmetkerleriniń jalpy sany – 218. Olardyń 182-si Ortalyq qalalyq klinikalyq aýrýhanasynyń mamandary. 30 qyzmetker - Qalalyq balalar klinikalyq juqpaly aýrýlar aýrýhanasynyń, 2-eýi - shuǵyl meditsinalyq járdem stantsiiasynyń, 1-eýi - № 1 Qalalyq klinikalyq aýrýhananyń qyzmetkerleri. Sondai-aq № 11, 32 jáne 12 qalalyq emhanalarynda KVI-ge shaldyqqan bir-bir meditsina mamanynan anyqtaldy.
Ortalyq qalalyq aýrýhana dezinfektsiialyq óńdeý jumystaryna jabyldy.
Qazirgi ýaqytta qalanyń statsionarlarynda Almaty oblysynyń bir patsientin qosa alǵanda, barlyǵy 311 adam em qabyladýda. Jaǵdailary - qanaǵattanarlyq. Qaitys bolǵandar sany - 2. Jazylyp shyqqandar sany - 58.
Aita keteiik, 14 sáýir kúni almatylyq 110 dárigerdiń jappai koronavirýs juqtyrǵany týraly jazǵan bolatynbyz. Medqyzmetkerler videoúndeý túsirip, ministrdiń atalmysh jaǵdaiǵa nazar aýdarýyn ótindi. Keiin Ortalyq qalalyq klinikalyq aýrýhanany QR DSM QR Taýarlar men qyzmetterdiń sapasy men qaýipsizdigin baqylaý komiteti tóraǵasynyń orynbasary Nurhan Sadýaqasov tekseretini habarlandy.
Osy jaǵdaidan keiin atalmysh aýrýhananyń bas dárigeri Almas Djývashev qyzmetinen bosatyldy.
Búgin Marat Abdýllaev aýrýhananyń basshysy mindetin atqarýshy bolyp taǵaiyndaldy.
