Almatyda ekpeniń I komponentin 690 711 adam alǵan, dep habarlaidy "Ult aqparat".
Bul jaiynda óńirlik kommýnikatsiialar qyzmetinde ótken brifingte Almaty qoǵamdyq densaýlyq saqtaý basqarmasynyń basshysy Nariman Tabynbaev aitty.
Onyń málimetine sensek, ótken táýlikte 5 001 adam vaktsina saldyrǵan. 60 jastan joǵary vaktsina alǵan adamnyń sany - 96 553.
«Bizde Sinovac-qa úlken suranys bar. Qazaqstan Respýblikasy Densaýlyq saqtaý ministrligi kelissóz júrgizdi. Jaqyn arada Sinovac vaktsinasyn jetkizý týraly aqparat aldyq», – dep qorytyndylady sózin Almaty qalasy qoǵamdyq densaýlyq basqarmasynyń basshysy.
QDSB basshysy Almatynyń barlyq turǵyndaryn tez arada KVI-ge qarsy vaktsinalaýǵa shaqyrdy.
Óitkeni bul - qaýipti aýrýdyń tez taralýyna tótep berýdiń jalǵyz joly.
Eske salsaq, Almatyda ekpe pýnktileriniń keń jelisi ashylǵan jáne kún saiyn 15-20 myńǵa deiin ekpe júrgizýge múmkindik bar.
1 aqpan men 27 shilde aralyǵynda Almatyda ekpeniń I komponentin 690 711 adam alǵan.
