Almatyda koronavirýs juqpasy shyqqan 11 oshaq anyqtaldy. WhatsApp jelisindegi onlain-chatta tilshilerge bul málimetti qala ákiminiń orynbasary Erjan Babaqumarov jetkizdi, dep habarlaidy "Ult aqparat".
«Qalanyń barlyq aýdanynda 11 oshaq anyqtaldy. Olardyń barlyǵy baqylaýǵa alynyp jatyr. Sondyqtan, halyqtyń kóship-qonýyn, qozǵalysyn toqtatý mańyzdy. Basqasha virýspen kúresý qiyn bolady. Erteń oshaqtardyń qai jerde ekenin tolyq aitamyz», - dedi Erjan Babaqumarov.
Aita keteiik, búgin áleýmettik jelide Almatyda koronavirýs anyqtalǵan jáne tarap jatqan naqty mekenjailar men shaǵynaýdandar kórsetilgen aqparat paida boldy. Alaida, qala ákimdigi bul málimetti joqqa shyǵarǵan edi.
Sál keiinirek E.Babaqumarov qalada birneshe turǵyn úi kesheni karantinge jabylǵanyn málim etti.
Eske salsaq, keshe túnde Almatydaǵy «Suńqar» turǵyn úi kesheni naýqas turǵynnyń anyqtalýyna bailanysty karantinge jabyldy. Turǵyn úi kesheninen kirip-shyǵýǵa ruqsat joq. Munda 1 ǵana azyq-túlik dúkeni jumys isteitin bolady.
