Almatynyń Sanitariialyq-epidemiologiialyq baqylaý departamenti basshysy, qalanyń bas memlekettik sanitar dárigeri Jandarbek Bekshin onlain brifing barysynda virýsty almatylyqtardyń qaidan juqtyryp júrgenin aitty, dep habarlaidy "Ult aqparat".
Onyń aitýynsha, statistikalyq derekterge sáikes, adamdar kóbinese qoǵamdyq oryndar - túngi klýbtar, tamaqtaný oryndary, saýda jáne oiyn-saýyq ortalyqtary, saýda úileri men bazarlarda (33,7%), úi jaǵdaiynda (28,7%), qoǵamdyq kólikte (18,5%), jumys ornynda (13,1%) juqtyrady. 3,5%-y shet elderden alyp kelgen.
Qalǵan 2,1% qaidan juqtyrǵany belgisiz.
«KVI-men aýyrǵan adamdardyń basym kópshiligi 20 men 39 jas aralyǵyndaǵylar. Bul joǵaryda atalǵan mekemelerge baratyn jastar, demek jumysqa barar jolda, qoǵamdyq oryndarda bolǵanda infektsiiany juqtyryp úige alyp kelgender. 26 qarashadaǵy jaǵdai boiynsha Almaly jáne Bostandyq aýdandary sary beldeýde tur. Bul aýdandarda aýrý kórsetkishi 28,5 jáne 29,4, Rt bolyp tur. M.Áýezov (21,2) jáne Medeý (23,3) aýdandary koronavirýs infektsiiasynyń juǵý jiiligi boiynsha qaýip tobynda tur. Taralý indeksi boiynsha eń turaqty jaǵdai Jetisý (0,9) jáne Túrksib (1,0) aýdandarynda baiqalady», - dedi Bekshin.
