Almaty qalasy aýmaǵyndaǵy epidemiologiialyq tekserý nátijeleri boiynsha COVID-2019-dyń 10 oshaǵy anyqtaldy, dep habarlaidy "Ult aqparat".
Qalalyq ákimdik taratqan aqparatqa sáikes, Almaly aýdanynda – 3, Medeý aýdanynda – 3, Túrksib aýdanynda – 2, Jetisý aýdanynda – 1, Alataý aýdanynda 1 oshaq anyqtalǵan.
Almaty qalasy boiynsha koronavirýs infektsiiasynyń taralýyn boldyrmaý jónindegi qalalyq shtabtyń otyrysynda COVID-2019-dyń oshaǵy retinde tirkelgen aýmaqtarda ishki karantin engizý sheshimi qabyldandy.
Búginde Almatyda koronavirýs infektsiiasyn juqtyrýdyń rastalǵan 22 jaǵdaiy tirkeldi. Barlyq oshaqta indettiń odan ári taralýynyń aldyn alý maqsatynda epidemiiaǵa qarsy jáne profilaktikalyq is-sharalar kúsheitildi. Meditsina qyzmetkerleri oshaq aimaǵynda ornalasqan barlyq tulǵalardyń jaǵdaiyna monitoring júrgizýde.
COVID-19 indetiniń tirkelgen oqiǵalaryna jáne infektsiianyń taralý sipatyna qosymsha taldaý júrgizilgennen keiin jáne epidemiologtardyń qorytyndysyn negizge ala otyryp, oshaq aýmaǵynyń shekarasy kóppáterli úidiń kire berisine deiin jáne turǵyn úi aýmaǵyndaǵy jekemenshiktegi úige deiin qysqartyldy. Osyǵan orai úiler men páterlerdi kvartal boiynsha karantindeý týraly buǵan deiin qabyldanǵan sheshim kúshin joiady.
«Jalpy infektsiia 1-1,5 metr qashyqta turǵan naýqas adamnyń sóileýi, túshkirýi men jóteli arqyly beriledi. SOVID-2019 indetin adamdar otbasynda, jumysta, qoǵamdyq kólikte, qonaqta jáne basqa da qoǵamdyq oryndarda tek tyǵyz bailanysta bolý arqyly juqtyrýy múmkin. COVID-2019 virýsynyń qorshaǵan ortada tózimdiligi tómen bolǵandyqtan, 1 saǵattan artyq ómir súre almaidy. Sol sebepti COVID-2019 juqtyrǵan naýqaspen tyǵyz bailanys ornatpaǵan úiler men páterlerdi karantinge jabýdyń qajeti joq», - dedi ákimdikten.
