Almatyda koronavirýs boiynsha epidemiologiialyq ahýal sońǵy aptada nasharlap ketti. Bul týraly qalanyń sanitarlyq-epidemiologiialyq baqylaý departamenti basshysynyń orynbasary Ásel Qalyqova málim etti, dep habarlaidy QazAqparat.
Spiker ótken aptada aldyńǵy aptamen salystyrǵanda KVI juqtyrý jaǵdailarynyń sany 1,4 ese óskenin, atap aitqanda 5790-nan 8393 jaǵdaiǵa deiin kóbeigenin, táýliktik ósim 1,5% artqanyn aitty.
Qalanyń qoǵamdyq densaýlyq basqarmasynyń málimetinshe, 1 tamyzda koronavirýs infektsiiasyn juqtyrýdyń 1540 jaǵdaiy tirkelgen, onyń 1404-i - simptommen, 136-sy – simptomsyz.
198 adam saýyǵyp shyqqan, 439 adam aýrýhanaǵa túsken.
Infektsiialyq statsionarlarda (7 045 oryn) 4 930 adam (240 bala) jatyr. Reanimatsiia jáne intensivti terapiia bóliminde jatqan syrqattar sany – 310.
ÓJJ apparatyna - 42, invazivti emes ÓJJ apparatyna - 135, High flow apparatyna - 111 naýqas qosylǵan.
Búgingi kúnde úide alǵashqy meditsinalyq-sanitarlyq kómek jáne telemeditsina ortalyǵynyń mobildi brigadalarynyń baqylaýynda 10 070 patsient jatyr.
Onyń 9564-i – jeńil jáne ortasha dárejedegi simptommen, 506-sy – simptomsyz.
Sondai-aq 1 aqpan men 1 tamyz aralyǵynda birinshi komponentpen 725 575 adam vaktsinalanǵan.
Ótken táýlikte 4 971 vaktsinalanǵan. 60 jastan asqan ekpe alǵandardyń jalpy sany 99 587 adam.
Qalada meditsinalyq mekemelerde, mektepterde, mádeniet, sport nysandarynda, bazarlarda jáne SOSO-da 158 vaktsinatsiia pýnkti jumys isteidi.
1 038 adamnan turatyn 234 egý brigadasy jumyldyrylǵan.
