Almaty qalasy Áýezov aýdanynyń qorǵanys isteri jónindegi basqarmasy men politsiia basqarmasynyń laýazymdy tulǵalary alaiaqtyq jasady degen kúdikke ilindi.
Bul týraly elimizdiń sybailas jemqorlyqpen kúres qyzmeti habarlady.
Almaty qalasynyń sybailas jemqorlyqpen kúres qyzmeti sybailas jemqorlyq qylmysyn jasady degen kúdik boiynsha jáne Almaty qalasy Áýezov aýdany qorǵanys isteri jónindegi basqarmasy bólim bastyǵynyń mindetin atqarýshy men politsiia basqarmasy kezekshi bóliminiń inspektoryna (jergilikti áskeri basqarý organyna issaparǵa jiberilgen) qatysty sotqa deiingi tergeýdi aiaqtady.
Memlekettik fýnktsiialardy oryndaýǵa ýákiletti tulǵalar bola otyryp, olar áskeri qyzmetin keiinge qaldyrý jáne azamattarǵa áskeri bilet berý syltaýymen jalpy somasy 470 myń teńgeni birneshe ret alaiaqtyq jolmen iemdengen degen kúdik keltirilip otyr.
Qylmystyq is kúdiktilerdi sotqa berý týraly máseleni qaraý úshin prokýrorǵa joldandy. Kúdiktilerge qatysty olardyń kinálilik dárejesin anyqtaýmen túpkilikti sheshimdi sot shyǵarady.
