الماتى قالاسى ەۋەزوۆ اۋدانىنىڭ قورعانىس ٸستەرٸ جٶنٸندەگٸ باسقارماسى مەن پوليتسييا باسقارماسىنىڭ لاۋازىمدى تۇلعالارى الاياقتىق جاسادى دەگەن كٷدٸككە ٸلٸندٸ.
بۇل تۋرالى ەلٸمٸزدٸڭ سىبايلاس جەمقورلىقپەن كٷرەس قىزمەتٸ حابارلادى.
الماتى قالاسىنىڭ سىبايلاس جەمقورلىقپەن كٷرەس قىزمەتٸ سىبايلاس جەمقورلىق قىلمىسىن جاسادى دەگەن كٷدٸك بويىنشا جەنە الماتى قالاسى ەۋەزوۆ اۋدانى قورعانىس ٸستەرٸ جٶنٸندەگٸ باسقارماسى بٶلٸم باستىعىنىڭ مٸندەتٸن اتقارۋشى مەن پوليتسييا باسقارماسى كەزەكشٸ بٶلٸمٸنٸڭ ينسپەكتورىنا (جەرگٸلٸكتٸ ەسكەري باسقارۋ ورگانىنا ٸسساپارعا جٸبەرٸلگەن) قاتىستى سوتقا دەيٸنگٸ تەرگەۋدٸ اياقتادى.
مەملەكەتتٸك فۋنكتسييالاردى ورىنداۋعا ۋەكٸلەتتٸ تۇلعالار بولا وتىرىپ, ولار ەسكەري قىزمەتٸن كەيٸنگە قالدىرۋ جەنە ازاماتتارعا ەسكەري بيلەت بەرۋ سىلتاۋىمەن جالپى سوماسى 470 مىڭ تەڭگەنٸ بٸرنەشە رەت الاياقتىق جولمەن يەمدەنگەن دەگەن كٷدٸك كەلتٸرٸلٸپ وتىر.
قىلمىستىق ٸس كٷدٸكتٸلەردٸ سوتقا بەرۋ تۋرالى مەسەلەنٸ قاراۋ ٷشٸن پروكۋرورعا جولداندى. كٷدٸكتٸلەرگە قاتىستى ولاردىڭ كٸنەلٸلٸك دەرەجەسٸن انىقتاۋمەن تٷپكٸلٸكتٸ شەشٸمدٸ سوت شىعارادى.
