Almatyda zalalsyzdandyrý jumysyna 70 brigada, 500-den astam adam jumyldyryldy.
Bul týraly Almaty qalasy Turǵyn úi saiasaty basqarma basshysynyń orynbasary Meiirjan Otynshiev onlain– brifingte aitty, dep habarlaidy QazAqparat.
Meiirjan Otynshievtyń málimetinshe, Qazaqstan boiynsha eń kóp turǵyn úi qory Almaty qalasynda. Onyń quramynda 800-den astam basqarý organy qyzmet kórsetetin shamamen 8,5 myń kóppáterli úi, 23,5 myń kireberis jáne 4 myń aýla bar.
«Osy jyldyń 25 naýryzynan bastap tótenshe jaǵdaidy qamtamasyz etý jónindegi jedel shtabtyń sheshimimen jáne Almaty qalasy Taýarlar men qyzmetter sapasy men qaýipsizdigin baqylaý departamentiniń usynysyna sáikes mamandandyrylǵan kompaniialar turǵyn úi qoryn jappai zalalsyzdandyrýdy bastady. Jumystyń kóleminiń úlken bolatynyn eskere otyryp barlyq aýdandarda zalalsyzdandyrý úsh kúnge bólinip, olardyń jalpy sanynyń keminde eńbek kúnine 33% qamtylady. Osylaisha kópqabatty úilerdiń kireberisteri men aýlalary kestege sáikes aptasyna eki ret dezinfektsiialanady», - dedi ol.
Sondai-aq, ol jumys kestesin jariialaý boiynsha birqatar túzetý engizilgenin aitty.
«Bul jumystar ótken aptada bastalǵan, zalalsyzdandyrýdyń birinshi kezeńiniń tájiribesin eskere otyryp, olardy túzettik. Endi kesteler ákimdiktiń saity men áleýmettik paraqshalarynda qoljetimdi. Sonymen qatar úidiń kireberisterinde jáne aqparattyq taqtada ornalastyrylǵan», - dedi Meiirjan Otynshiev.
Qazirgi ýaqytta jumysqa kúnine shamamen 70 brigada, 500-den astam adam jumyldyrylǵan.
«Óńdeýde qoldanylatyn ónimder sertifikattalǵan jáne adamdar men úi janýarlary úshin qaýipsiz. Olar virýstyń qozdyrǵyshtaryna, jedel respiratorly virýsty infektsiialarǵa qatysty mikrobqa qarsy belsendikke ie. Meditsialyq uiymdarda, mektepterde jáne balalar mekemelerinde bakteriialyq, virýstyq, sańyraýqulaq etiologiiasynyń, ásirese qaýipti jáne karantindik infektsiialardyń oshaqtarynda profilaktikalyq, dezinfektsiialyq jumysta qoldanylady. Olar Qazaqstan Respýblikasy jáne EAEO aýmaǵynda qoldanýǵa ruqsat etilgen», - deidi ol.
