الماتىدا زالالسىزداندىرۋ جۇمىسىنا 70 بريگادا, 500-دەن استام ادام جۇمىلدىرىلدى.
بۇل تۋرالى الماتى قالاسى تۇرعىن ٷي ساياساتى باسقارما باسشىسىنىڭ ورىنباسارى مەيٸرجان وتىنشيەۆ ونلاين– بريفينگتە ايتتى, دەپ حابارلايدى قازاقپارات.
مەيٸرجان وتىنشيەۆتىڭ مەلٸمەتٸنشە, قازاقستان بويىنشا ەڭ كٶپ تۇرعىن ٷي قورى الماتى قالاسىندا. ونىڭ قۇرامىندا 800-دەن استام باسقارۋ ورگانى قىزمەت كٶرسەتەتٸن شامامەن 8,5 مىڭ كٶپپەتەرلٸ ٷي, 23,5 مىڭ كٸرەبەرٸس جەنە 4 مىڭ اۋلا بار.
«وسى جىلدىڭ 25 ناۋرىزىنان باستاپ تٶتەنشە جاعدايدى قامتاماسىز ەتۋ جٶنٸندەگٸ جەدەل شتابتىڭ شەشٸمٸمەن جەنە الماتى قالاسى تاۋارلار مەن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ ۇسىنىسىنا سەيكەس مامانداندىرىلعان كومپانييالار تۇرعىن ٷي قورىن جاپپاي زالالسىزداندىرۋدى باستادى. جۇمىستىڭ كٶلەمٸنٸڭ ٷلكەن بولاتىنىن ەسكەرە وتىرىپ بارلىق اۋدانداردا زالالسىزداندىرۋ ٷش كٷنگە بٶلٸنٸپ, ولاردىڭ جالپى سانىنىڭ كەمٸندە ەڭبەك كٷنٸنە 33% قامتىلادى. وسىلايشا كٶپقاباتتى ٷيلەردٸڭ كٸرەبەرٸستەرٸ مەن اۋلالارى كەستەگە سەيكەس اپتاسىنا ەكٸ رەت دەزينفەكتسييالانادى», - دەدٸ ول.
سونداي-اق, ول جۇمىس كەستەسٸن جارييالاۋ بويىنشا بٸرقاتار تٷزەتۋ ەنگٸزٸلگەنٸن ايتتى.
«بۇل جۇمىستار ٶتكەن اپتادا باستالعان, زالالسىزداندىرۋدىڭ بٸرٸنشٸ كەزەڭٸنٸڭ تەجٸريبەسٸن ەسكەرە وتىرىپ, ولاردى تٷزەتتٸك. ەندٸ كەستەلەر ەكٸمدٸكتٸڭ سايتى مەن ەلەۋمەتتٸك پاراقشالارىندا قولجەتٸمدٸ. سونىمەن قاتار ٷيدٸڭ كٸرەبەرٸستەرٸندە جەنە اقپاراتتىق تاقتادا ورنالاستىرىلعان», - دەدٸ مەيٸرجان وتىنشيەۆ.
قازٸرگٸ ۋاقىتتا جۇمىسقا كٷنٸنە شامامەن 70 بريگادا, 500-دەن استام ادام جۇمىلدىرىلعان.
«ٶڭدەۋدە قولدانىلاتىن ٶنٸمدەر سەرتيفيكاتتالعان جەنە ادامدار مەن ٷي جانۋارلارى ٷشٸن قاۋٸپسٸز. ولار ۆيرۋستىڭ قوزدىرعىشتارىنا, جەدەل رەسپيراتورلى ۆيرۋستى ينفەكتسييالارعا قاتىستى ميكروبقا قارسى بەلسەندٸككە يە. مەديتسيالىق ۇيىمداردا, مەكتەپتەردە جەنە بالالار مەكەمەلەرٸندە باكتەرييالىق, ۆيرۋستىق, ساڭىراۋقۇلاق ەتيولوگيياسىنىڭ, ەسٸرەسە قاۋٸپتٸ جەنە كارانتيندٸك ينفەكتسييالاردىڭ وشاقتارىندا پروفيلاكتيكالىق, دەزينفەكتسييالىق جۇمىستا قولدانىلادى. ولار قازاقستان رەسپۋبليكاسى جەنە ەاەو اۋماعىندا قولدانۋعا رۇقسات ەتٸلگەن», - دەيدٸ ول.
