Almatyda kópqabatty úidiń birinen órt shyqty, órt sóndirýshiler kóliginiń úige jaqyn kelýine sol mańda tyǵyz qoiylǵan turǵyndar kóligi kedergi keltirdi, dep habarlaidy QazAqparat.
Almaty qalalyq tótenshe jaǵdailar deparatamentiniń málimetinshe, 22 tamyz kúni keshki saǵat 21:20 kezinde «101» pýltine Tóle bi kóshesindegi 15 qabatty úiden tútin shyqqany týraly habar kelip tústi.
«Órt sóndirýshiler Almaly aýdanynyń Tóle bi kóshesindegi 273/6-úige jiberildi. Kelgen sátte 15 qabatty turǵyn úidiń 5-qabatynyń balkonynda órt shyqqanyn anyqtady. 2 sharshy metr aýmaqta úi zattary janǵan. Órt sóndirý tehnikasynyń ótýine turǵyndardyń jeke kólikterin tyǵyz qoiǵany kedergi keltirdi. Ýaqytty joǵaltpai jaǵdaidy baǵalap, órt sóndirýshiler 5 qabatqa úsh iindi sondai-aq «shabýyl» órt satylaryn qoldana otyryp, joǵarǵy qabattarǵa kóterilip, órti 3 minýt ishinde aýyzdyqtap úlgerdi. Órt tolyǵymen 21.36 minýtta sóndirildi. Órtten eshkim zardap shekpedi», - dep habarlady Almaty qalalyq Tótenshe jaǵdailar departamentinen.
TJD almatylyqtardan kólikterin qoiyp shuǵyl qyzmetterdiń óter jolyn bógemeýdi suraidy.
