الماتىدا كٶپقاباتتى ٷيدٸڭ بٸرٸنەن ٶرت شىقتى, ٶرت سٶندٸرۋشٸلەر كٶلٸگٸنٸڭ ٷيگە جاقىن كەلۋٸنە سول ماڭدا تىعىز قويىلعان تۇرعىندار كٶلٸگٸ كەدەرگٸ كەلتٸردٸ, دەپ حابارلايدى قازاقپارات.
الماتى قالالىق تٶتەنشە جاعدايلار دەپاراتامەنتٸنٸڭ مەلٸمەتٸنشە, 22 تامىز كٷنٸ كەشكٸ ساعات 21:20 كەزٸندە «101» پۋلتٸنە تٶلە بي كٶشەسٸندەگٸ 15 قاباتتى ٷيدەن تٷتٸن شىققانى تۋرالى حابار كەلٸپ تٷستٸ.
«ٶرت سٶندٸرۋشٸلەر المالى اۋدانىنىڭ تٶلە بي كٶشەسٸندەگٸ 273/6-ٷيگە جٸبەرٸلدٸ. كەلگەن سەتتە 15 قاباتتى تۇرعىن ٷيدٸڭ 5-قاباتىنىڭ بالكونىندا ٶرت شىققانىن انىقتادى. 2 شارشى مەتر اۋماقتا ٷي زاتتارى جانعان. ٶرت سٶندٸرۋ تەحنيكاسىنىڭ ٶتۋٸنە تۇرعىنداردىڭ جەكە كٶلٸكتەرٸن تىعىز قويعانى كەدەرگٸ كەلتٸردٸ. ۋاقىتتى جوعالتپاي جاعدايدى باعالاپ, ٶرت سٶندٸرۋشٸلەر 5 قاباتقا ٷش يٸندٸ سونداي-اق «شابۋىل» ٶرت ساتىلارىن قولدانا وتىرىپ, جوعارعى قاباتتارعا كٶتەرٸلٸپ, ٶرتٸ 3 مينۋت ٸشٸندە اۋىزدىقتاپ ٷلگەردٸ. ٶرت تولىعىمەن 21.36 مينۋتتا سٶندٸرٸلدٸ. ٶرتتەن ەشكٸم زارداپ شەكپەدٸ», - دەپ حابارلادى الماتى قالالىق تٶتەنشە جاعدايلار دەپارتامەنتٸنەن.
تجد الماتىلىقتاردان كٶلٸكتەرٸن قويىپ شۇعىل قىزمەتتەردٸڭ ٶتەر جولىن بٶگەمەۋدٸ سۇرايدى.
