Almatyda kópqabatty turǵyn úiden órt shyqty, dep habarlaidy "Ult aqparat".
Janyp jatqan úidiń videosy áleýmettik jelilerde paida boldy.
«Búgin, 10 qyrkúiek kúni keshki saǵat 17:48 minýtta órt sóndirý esepteri Almaly aýdany Rozybakiev kóshesi, 45 mekenjaiy boiynsha shaqyrtýǵa jiberildi. Kópqabatty turǵyn úidiń 5-qabattaǵy páteri men balkony ashyq jalynmen janyp jatqany anyqtaldy. Qyzyl jalyn 7-shi qabattyń balkonyn sharpyp úlgergen. Qabyldanǵan sharalardyń arqasynda órt sóndirýshiler 22 minýttyń ishinde jalyndy oqshaýlap, taǵy 10 minýttan keiin tolyqtai sóndirdi», – dep habarlady Almaty qalalyq Tótenshe jaǵdailar departamentiniń baspasóz qyzmetinen.
Órtti sóndirýge jeke quramnan 19 adam men 5 tehnika, sonyń ishinde órt baspaldaǵy jumyldyryldy.
Tilsiz jaý 60 sharshy metr aýmaqty sharpyǵan. Oqiǵa sebebi anyqtalyp jatyr.
