Foto: Polisia.kz
Almatyda kontrafakt oiynshyqtardyń ainalymy toqtatyldy, dep habarlaidy Ult.kz.
"Kontrafakt" jedel-aldyn alý is-sharasy aiasynda Almaty qalasy PD kiberqylmysqa qarsy kúres basqarmasy jáne ádilet departamentiniń qyzmetkerleri qaladaǵy saýda oryndary men qoimalarǵa reid júrgizdi.
Tekserýge bir kompaniianyń óz taýar tańbalarynyń zańsyz paidalanylǵany týraly resmi ótinishi negiz boldy.
Nátijesinde qaladaǵy birneshe bazar men qoimadan túpnusqaǵa uqsas jalǵan konstrýktorlardyń partiialary anyqtaldy. Barlyǵy 2 million teńgeden astam sommaǵa 1 myńnan asa jalǵan ónim tárkilendi.
"Kontrafakt tek brendterdiń quqyqtaryn buzyp qana qoimaidy, eń aldymen tutynýshylarǵa, ásirese balalarǵa arnalǵan taýarlar týraly bolǵanda, tikelei qaýip tóndiredi. Mundai ónimder ýly, sapasyz nemese jaraqat keltirýi múmkin. Biz osyndai quqyq buzýshylyqtardyń jolyn kesý boiynsha jumysty kúsheitýdemiz", – dedi Almaty qalasy PD kiberqylmysqa qarsy kúres basqarmasy bastyǵynyń orynbasary Erkebulan Qoishybaev.
Tárkilengen taýarlar sapasyz, tańbalanbai, óndirýshi týraly aqparatsyz bolǵan. Birlesken is-sharalardyń qorytyndysy boiynsha jinalǵan materialdar sotqa joldandy.
