Almaty qalasyndaǵy qoǵamdyq tamaqtaný, ǵibadat etý jáne qonaq úi keshenderiniń nysandaryna qoiylǵan shekteý sharalary qaladaǵy epidemiologiialyq jaǵdaiǵa bailanysty kezeń-kezeńmen alynatyn bolady, dep habarlaidy "Ult aqparat".
«Qoǵamdyq tamaqtaný jáne qonaq úi keshenderiniń nysandaryn iske qosýǵa qatysty daiyndyq jumystary boiynsha megapolistiń biznes qaýymdastyǵymen birlesip, atalǵan sektorlardyń uiymdaryn sanitariialyq-epidemiologiialyq talaptar saqtalǵan jaǵdaida, 25 mamyrdan bastap kezeń-kezeńmen iske qosý máselesi talqylanyp jatyr», - dep habarlady ákimdik.
Qala ákimdigi Almatyda táýekel toptaryn jappai testileý jáne infektsiianyń jasyryn oshaqtaryn anyqtaý boiynsha jumystarynyń jalǵasyp jatqan eskere otyryp dini ǵimarattarǵa (meshit, shirkeý, ǵibadathana, sinagoga jáne t.b.) barýǵa shekteýdi 18 mamyrdan bastap alýǵa áli erte ekenin atap ótti.
«Almaty qalasyndaǵy ǵibadat etý oryndarynyń qyzmetin qaita jalǵastyrý jáne qalalyqtardyń olarǵa barýyna shekteýdi sanitarlyq-epidemiologiialyq talaptar saqtalǵan jaǵdaida, 2020 jylǵy 25 mamyrdan bastap kezeń kezeńmen alyp tastaý josparlanyp otyr», - delingen habarlamada.
Barlyq iske qosylatyn nysandar jańa usynymdarǵa: áleýmettik qashyqtyq, jumys oryndaryndaǵy qatań sanitarlyq rejim jáne t.b. talaptarǵa sáikes jumys isteýge mindetti. Bul rette, jumys oryndaryna tikelei qajetti jumysshylar sanyn atalǵan uiymdardyń basshylary ózderi belgileidi.
