Almaty qalasynyń qylmystyq ister jónindegi sotynda kishkentai qyzyn óltirýde aiypty tanylǵan Barakat Mohammedke qatysty sot úkimi shyqty, dep habarlaidy "Ult aqparat".
Sot anyqtaǵandai, ótken jyldyń qazan aiynda Ulybritaniia azamaty Barakat Mohammed otbasymen birge Almaty qalasyndaǵy qonaqúilerdiń birine jaiǵasqan.
Alkogol jáne esirtkige mas bolǵan er adam zaiybymen bolǵan janjaldan keiin ashýǵa býlyǵyp, bir jasar qyzyn soqqyǵa jyǵyp, onyń ólimine sebepker boldy.
Birinshi instantsiialy sottyń úkimi boiynsha, er adam balany qasaqana óltirýde aiypty dep tanylyp, 20 jylǵa bas bostandyǵynan aiyrý jazasyna kesildi.
Oǵan qosa, er adam Qazaqstan aýmaǵynan bes jylǵa qýyldy.
Sottalýshynyń kinásin oqiǵaǵa kýá bolǵan qonaqúidegi qyzmetshi áiel rastady.
Ol qabyrǵaǵa urylǵan dybysty estigen soń bala jylaǵany basylyp qalǵanyn, odan keiin jábirlenýshi áieldiń qonaqúi bólmesine kirgenin, ol jerden es tússiz balanyń denesin shyǵarǵanyn aitty.
Onnan astam kýáger áieldiń resepshenge kelip, mas kúieýiniń balasyn óltirgeni týraly aitqanyn rastady.
Sot-meditsinalyq saraptamanyń qorytyndysy boiynsha, sottalýshynyń epileptikalyq ustama kezinde bala ústine qulap, ony abaisyzda óltirip alǵany týraly nusqasy rastalǵan joq.
Qorǵaý tarapy usynǵany meditsinalyq qujattar sottalýshynyń buryn qoianshyq aýrýyna shaldyqqanyn rastaityn qandai da bir dálelderi bolǵan joq.
Barakat Mohamed – áýe kompaniiasynyń ushqyshy, meditsinalyq tekserýden únemi ótip júrgen, densaýlyq jaǵdaiy jaqsy.
Sondyqtan sot sottalýshyny eshqashan qoianshyq aýrýymen aýyrmaǵan degen túiin jasady.
Almaty qalalyq sotynyń qaýlysy boiynsha birinshi instantsiialy sot úkimi ózgerissiz qaldy.
Eske sala keteiik, 2019 jyldyń 24 qazanynda Almaty qalasyndaǵy «bes juldyzdy» qonaqúide ákesi óziniń bir jarym jasar qyzyn soqqyǵa jyǵyp, bala qaitys bolǵan edi.
Bastapqyda er adamnyń óz balasyn býyndyryp óltirgeni habarlandy. Odan keiin sábidiń ólimine qatty soqqyǵa jyǵý sebep boldy degen nusqa shyqqan.
