Foto: elements.envato.com
Almatyda kommýnaldyq qyzmet qymbattaidy, - dep habarlaidy Tengrinews.kz portaly krisha.kz saityna silteme jasap.
Almatyda ystyq jáne sýyq sý, elektr qýaty, jylý men káriz tarifteri kóteriledi dep josparlanǵan. Bul rette quzyrly organdar tólemniń qanshaǵa ósetinin ázirge naqty aita almai otyr. Bul týraly ÓKQ-da ótken brifingte aityldy.
"Tabiǵi monopoliia sýbektileriniń árqaisy úshin tarifterdiń ósýi jelilerdiń uzyndyǵy men tozýyna bailanysty ártúrli bolady. Qazir taldaýlar men esepteýler júrgizilip jatyr. Tarifterdiń qanshaǵa kóteriletinin naqty aita almaimyz. Tutynýshylardyń salǵan qarajatyna da qoǵamdyq baqylaý jasalyp, iesiz jeliler boiynsha jumys jalǵasady. Qabyldanǵan sharalar qyzmet kórsetý sapasyna áser etedi: qubyrlardyń jarylýy men apattar azaiady", - dedi QR Ulttyq ekonomika ministrligi Tabiǵi monopoliialardy retteý komitetiniń Almaty qalasy boiynsha departamenti basshysy Ásel Býdeneeva.
Spikerdiń aitýynsha, Almatyda jelilerdiń tozýy aitarlyqtai joǵary: jylý jáne elektr jelilerinde 60 paiyzdan asady, sýmen jabdyqtaý jáne sý burý salasynda 50 paiyzǵa jýyq.
Sýyq sý men kárizge tarifter edáýir ósetini habarlandy, óitkeni bul qyzmetterdiń tólemi Almatyda ǵana emes, Qazaqstanda da eń tómengi kórsetkishterdiń biri sanalady.
Jalpy, biýdjettik sýbsidiialaýdan naryqtyq qarjylandyrýǵa kezeń-kezeńimen kóshý josparlanǵan. Tarifterdi negizsiz kóterý bolmaidy, dep ýáde berdi bilik.
