Tótenshe jaǵdai saldarynan kommýnaldyq qyzmet aqysyn tólei almai otyrǵan Almaty turǵyndaryna boryshtaryn jyl sońyna deiin óteýge múmkindik berildi, dep habarlaidy "Ult aqparat".
Mundai múmkindik koronavirýs indetine bailanysty jariialanǵan karantinge orai kommýnaldyq qyzmetterdi ýaqytynda tóleýge múmkindigi joq qala turǵyndaryna beriledi.
Búginnen bastap karantindik jaǵdaiǵa bailanysty qiyn materialdyq jaǵdaiǵa tap bolǵan tutynýshy telefon arqyly nemese elektrondyq saittar arqyly qyzmet kórsetýshiniń esep aiyrysý bólimine habarlasyp, jyldyń naýryz jáne sáýir ailary úshin tólemderiniń merzimin uzarta alady.
Tólemder boiynsha keiinge qaldyrý tek jeke tulǵalarǵa sýmen jabdyqtaý jáne káriz júiesi úshin («Almaty Sý» MKK), jylytý jáne ystyq sýmen jabdyqtaý («Almaty jylý jelileri» JShS), elektr energiiasy («Almatyenergosbyt» JShS), gazben jabdyqtaý («QazTransGaz Aimaq» AQ Almaty óndiristik filialy), telefon bailanysy («Almatytelekom» ATD) qyzmetteri boiynsha beriledi.
Aita keteiik, karantin kezinde kommýnaldyq qyzmetterge qaryzy bar turǵyndar elektr jaryǵynan, sýdan, jylý men gazdan jáne telefon bailanysynan ajyratylmaidy.
Sondai-aq, kommýnaldyq qyzmet aqysyn ýaqtyly tólemegeni úshin jeke tulǵalarǵa aiyppuldar salynbaidy.
Tólemderdi keiinge qaldyrýdy resimdeý úshin kásiporyndardyń call-ortalyqtarynyń nómirleri:
«AlTS»: +7 (727) 341-07-77, info@alts.kz
- +7 (701) 098-45-05, ortalyc@alts.kz – «Ortalyq» KQKO (Almaly jáne Bostandyq aýdandarynyń turǵyndary úshin);
- +7 (708) 249-87-79, batys@alts.kz – «Batys» KQ (Alataý, Áýezov jáne Naýryzbai aýdandarynyń turǵyndary úshin);
- +7 (777) 969-84-46, shygis@alts.kz – «Shyǵys» KQ (Jetisý, Medeý jáne Túrkisib aýdandarynyń turǵyndary úshin);
«Almaty Sý»: +7 (727) 3-777-444, almatysu.kz jáne as-portal.kz;
«AlmatyEnergoSbyt»: +7(727) 356-99-99, 399-99-00, esalmaty.kz
«QazTransGaz»: +7 (727) 244-55-33, ktga.kz;
«Almatytelekom»: 160, +7 708 000-01-60, telecom.kz;
Tártip AQ: 7 (727) 344-19-19, +7 (727) 393-08-05, +7 (727) 393-08-03, tartyp.kz;
«Almaty lift»: +7(727) 390-28-19.
