Almatyda komendant saǵatyn buzǵany úshin 84 adam ákimshilik jaýapqa tartyldy. Bul týraly qalalyq politsiia departamentiniń bastyǵy Qanat Taimerdenov Almatynyń tynys-tirshiligin qalpyna keltirý jónindegi qalalyq shtab otyrysynda málim etti, dep habarlaidy QazAqparat.
Onyń aitýynsha, qaladaǵy qoǵamdyq tártipti qamtamasyz etýge jáne asa mańyzdy nysandardy qorǵaýǵa 3 800 politsiia men sarbaz jumyldyryldy.
Sonymen qatar, ol Almatyda úsh aýsymdy rejimde politsiia jáne áskeri qyzmetkerlerden qurylǵan jaiaý patrýlder jumys istep jatqanyn aitty.
«Qalada 5 blok-beket jumys istep tur. Oǵan 390 adam jumyldyrylǵan. Qorǵanys ministrligi áskeri qyzmetkerleri qalanyń barlyq mańyzdy strategiialyq nysandaryn qorǵap tur. Politsiia bankterdiń 49 esep aiyrysý bólimshesin kúzetke aldy», - dedi ol.
«Terrorizmge qarsy operatsiia bastalǵaly ishki ister organdaryna jalpy 2 300 adam jetkizildi. Olardyń 236-sy qaraqshy jáne jappai tártipsizdikke qatysqandar boldy, olar qamaýǵa alyndy. 84 adam komendattyq saǵatty buzǵany úshin ákimshilik jaýapqa tartyldy», - dedi Qanat Taimerdenov.
Spikerdiń sózinshe, 7 qarý-jaraq dúkeninen 1 347 qarý urlanǵan. Osyǵan qatysty arnaiy tergeý toby quryldy. Osy sátke deiin 127 qarý tárkilendi, onyń 58-i ańshy dúkeninen urlanǵany anyqtaldy.
