Foto: Astana ákimdigi
Almatydaǵy jeke mektepterdiń biriniń mańynan kólik ishindegi er adamnyń denesi tabyldy. Almaty qalalyq Politsiia departamenti aqparatty rastady.
— Zorlyq-zombylyq belgileri joq er adamnyń denesi tabyldy. Atalǵan derek boiynsha tergeý júrgizilip jatyr. Aldyn ala málimet boiynsha, ol júrek jetkiliksizdiginiń saldarynan qaitys bolǵan, - dep habarlady Almaty qalalyq Politsiia departamentiniń baspasóz qyzmetinen.
Osyǵan deiin Almatynyń Túrksib aýdanynda bir áieldiń denesi tabylǵan bolatyn. Almaty politsiia departamenti atalǵan faktige qatysty qylmystyq is qozǵady.
Budan bólek, Almatyda jer úilerdiń birinen egde jastaǵy erli-zaiyptylardyń máiiti tabylǵanyn jazǵan edik. Jelidegi málimetke sáikes, er adam 87 jasta, al áiel 89 jasta bolǵan.
