Almaty qalasy boiynsha Memlekettik kirister departamenti jeke tulǵalardyń salyq boiynsha qaryzyn óndirip alý úshin megapolis kóshelerinde politsiia qyzmetkerleri jáne jeke sot oryndaýshylarymen birlesip reid júrgizip jatyr.
Shara barysynda olar «Sergektiń» kómegine júgindi, dep habarlaidy QazAqparat.
Almaty qalalyq Politsiia departamentiniń málimetinshe, birlesken is-sharany ótkizý barysynda «Sergek» kamerasymen «Chevrolet Tahoe» markaly avtokólik tirkeldi, onyń qaryzynyń somasy 1,1 mln tenge.
«Atalǵan kólik ustalyp, aiyppul turaǵyna jetkizildi. Reid jyl sońyna deiin jalǵasatyn bolady»,-dep atap ótti politsiiadan.
Jalpy Almaty qalasy boiynsha jeke tulǵalardyń kólik quraldaryna salynatyn salyq boiynsha beresheginiń jalpy somasy - 4,2 mlrd teńge.
Óz kezeginde sot oryndaýshylary banktik shottarǵa tyiym salý, múlikti ielikten shyǵarý, sondai-aq elden tys jerlerge kóshý quqyǵyn shekteý týraly sheshim qabyldaýy múmkin.
Budan basqa, boryshkerler áleýmettik tólemder nemese járdemaqylar, sondai-aq bilim berý depozitterin alý úshin qajetti shottardan basqa shottar asha almaidy.
Sondai-aq jeke tulǵalarǵa menshik salyqtary boiynsha ózderiniń salyq mindettemelerin ótemegen jaǵdaida zańnamada belgilengen merzimde ósimpul esepteledi.
Jeke tulǵalarǵa kólik salyǵyn tóleý merzimi esepti salyq kezeńinen keiingi jyldyń 1 sáýirinen keshiktirmei, iaǵni 2020 jyl úshin 2021 jyldyń 1 sáýirine deiin tóleýi tiis.
Salyqtardy E-Salyq Azamat mobildi qosymshasy, Egov portaly arqyly, Qazposhta bólimshelerinde, sondai-aq ekinshi deńgeidegi bankterdiń mobildi qosymshasy arqyly tóleýge bolady.
