Almatyda Toyota Camry kóligi kópirden qulap, birneshe adam zardap shekti, eki adamnyń jaǵdaiy aýyr. Bul týraly qalalyq densaýlyq saqtaý basqarmasynyń baspasóz qyzmeti habarlady, - dep jazady Tengrinews.kz saity.
Vedomstvo málimetinshe, apat saldarynan alty adam zardap shekken. Olardyń barlyǵy jedel járdem qyzmetimen aýrýhanalarǵa jetkizilgen.
"Tórt zardap shegýshi bas súiek-mi jaraqattarymen, ártúrli dárejedegi synyqtarmen jáne kógerýlermen Almaty qalalyq jedel shuǵyl kómek kórsetý aýrýhanasyna jetkizildi. Kórsetilgen kómekten keiin olardyń bireýi turǵylyqty jeri boiynsha emhanaǵa ári qarai ambýlatorlyq emdelýge jiberildi, úsheýi aýrýhanada, bireýi jansaqtaý bóliminde jatyr. Qazirgi ýaqytta olardyń jaǵdaiy alǵan jaraqattaryna bailanysty aýyr dep baǵalanyp otyr", - dedi baspasóz qyzmeti ókilderi.
Al №7 qalalyq klinikalyq aýrýhanaǵa jetkizilgen bir naýqas neirohirýrgiialyq bólimshege jatqyzylǵan, jaǵdaiy ortasha aýyr.
"Barlyq qajetti meditsinalyq kómek tolyq kólemde kórsetildi", - dep qosty Almaty densaýlyq saqtaý basqarmasy.
