Foto: Almaty ákimdigi
Almaty qalasynda qoǵamdyq kólikte jolaqy tóleýdiń qosymsha tásili engizildi. Endi jolaýshylar Kaspi qosymshasy arqyly ONAY! QR kodyn skanerleý arqyly jolaqysyn tólei alady, dep habarlaidy Ult.kz.
Qaladaǵy qoǵamdyq kólikterde jol júrýdi tirkeýdiń jańa formaty qoldanysqa engizildi. Atap aitqanda, jolaýshylar avtobýs salonynda ornalasqan ONAY QR kodyn Kaspi qosymshasymen skanerleý nemese kólik kodyn qolmen engizý arqyly tólem jasai alady.
Jańa fýnktsiia jolaqy tóleýdiń qoldanystaǵy ONAY! júiesiniń múmkindikterin keńeitedi. Sonymen qatar jolaýshylar burynǵydai dástúrli tólem tásilderin de paidalana alady. Olardyń qatarynda ONAY! kólik kartasy, kólik kodyn engizý arqyly mobildi qosymsha, uialy telefon balansynan SMS arqyly tóleý, uzaq merzimdi jol júrý biletteri (onyń ishinde jeńildikpen beriletin), sondai-aq Biryńǵai kólik kartasy men virtýaldy biletter bar.
Jańa tólem tásili jolaýshylarǵa yńǵaily ári qoljetimdi jol júrý múmkindigin usynýǵa baǵyttalǵan.
