Foto:inbusiness.kz
Almaty qalasynyń máslihaty qaladaǵy qoǵamdyq kólik tarifin 120 teńgege deiin kóterý týraly sheshim qabyldady, -dep habarlaidy "Ult Aqparat".
Qalalyq mobildilik basqarmasynyń basshysy Saǵyndyq Telibaev bul ósimniń qosalqy bólshekter men shyǵyn materialdarynyń baǵasynyń ósýine bailanysty ekenin atap ótti.
Telibaevtyń aitýynsha, tasymaldaýshylardyń naqty shyǵyny 310 teńgeden assa, keibir marshrýttarda 400 teńgeden asady. Osy sebepti ákimdik áleýmettik mańyzy bar baǵyttardy sýbsidiialaidy. Qabyldanǵan sharalar 2024 jyly sýbsidiialar somasyn 7 milliard teńgege deiin tómendetýge múmkindik beredi. Sonymen qatar, bul shara qala turǵyndaryn sapaly, qaýipsiz jáne jaily qoǵamdyq kólik qyzmetimen qamtamasyz etýge oń áserin tigizedi.
Ekologiialyq taza kólikti kóbeitý maqsatynda 2023 jyly 600 jańa avtobýs pen 100 trolleibýs satyp alyndy. Biyl taǵy 600 avtobýs, 112 trolleibýs jáne 100 elektrobýs satyp alý josparlanyp otyr.
