26 naýryzdan bastap Almatyda qoǵamdyq kólik keshki 19:00 deiin júretin boldy. Bul týraly qalalyq ákimdiktiń baspasóz qyzmeti málimdedi, dep habarlaidy "Ult aqparat".
Sarapshylar júrgizgen taldaýǵa sáikes, qoǵamdyq kóliktegi jolaýshylar aǵyny 70%-ǵa tómendegen. Osyǵan bailanysty tótenshe jaǵdai rejimin qamtamasyz etý jónindegi Almatynyń jedel shtaby qalalyq avtobýs marshrýttary men metronyń jumys ýaqytyn qysqartý týraly sheshim qabyldady.
Sonymen, qaladaǵy qoǵamdyq kólik saǵat 06:00 men 19:00 arasynda jumys isteidi.
Aita keteiik, buǵan deiin jolaýshylar aǵynynyń aitarlyqtai tómendeýine qaramastan, qala turǵyndarynyń erkin qozǵalýy úshin avtobýstar jumys isteýin jalǵastyrǵan bolatyn. Qalaaralyq jáne qala mańyndaǵy marshrýttardyń jumysy toqtatyldy.
Eske sala ketsek, astanada avtobýstyń jumys kestesi endi 21:00-ge deiin emes, 19:00-ge deiin bolady.
