Almatyda Covid-19 boiynsha «Qoǵamdyq baqylaý» uiymy óz jumysyn bastady, dep habarlaidy QazAqparat.
«Qoǵamdyq baqylaý toby quryldy. Densaýlyq saqtaý ministrligi bizben birge jumys jasaýǵa bekindi. Barlyq aimaqtarda úilestirýshilerimiz bar. Biz gýmanitarlyq kómektiń bólinýi, dárihanalar men aýrahanalardyń ahýaly, shekteý sharalaryn buzý máselelerin baqylaimyz. Jaqyn arada uiym quqyqtyq mártebesin alyp, múshelerimizge kýálik qujattary beriledi. Biz barlyq máselege obektivti kózqaraspen qaraimyz», - dedi qoǵamdyq baqylaý tobynyń úilestirýshisi Saida Táýekeleva.
Qoǵamdyq baqylaý toby quramyna qoǵam belsendileri, eriktiler, sybailas jemqorlyqqa qarsy kúres qyzmeti men BAQ ókilderi endi. Gýmanitarlyq júktiń bólinýin baqylaityn top «SQ «Farmatsiia» qoimalaryn aralady. Ol jerde Qytaidan kelgen gýmanitarlyq júk bólingen bolatyn.
Bul baqylaý toby áleýmettik jeli arqyly Katardan, Resei men Qytaidan kelgen gýmanitarlyq júktiń aýrýhanalarǵa qalai úlestirilip jatqanyn jariialady. Sýretter men videony áleýmettik jeliden kórýge bolady.
Eske sala keteiik, biz buǵan deiin Qyzylordaǵa Qytaidan 34 myń maska jáne 8 myń qolǵap jetkizilgenin jazǵan bolatynbyz. Al 14 shildede Pavlodar oblysyna Katardan jeke qorǵanys zattarynan quralǵan gýmanitarlyq júk kelip túsken .
11 shildede QR DSM basshysy Aleksei Tsoi elde meditsinalyq uiymdardyń jumysyn baqylaityn táýelsiz uiym qurylatynyn aitqan bolatyn. QR Aqparat jáne qoǵamdyq damý ministri Aida Balaevanyń tapsyrmasymen «Qoǵamdyq baqylaý» aktsiiasyna QazAqparat HAA aqparattyq qoldaý kórsetedi.
