Almatyda aýa, topyraq, sý jáne radiatsiia mólsheri synamalarynyń taldaýyn jinaýǵa qajetti statsionarlyq ekologiialyq posttardy qalpyna keltirý jumystary bastaldy, dep habarlaidy QazAqparat.
Almaty qalasy Jasyl ekonomika basqarmasynda habarlaǵandai, búgingi tańda 13 ekoposttyń jumysy qalpyna keltirildi. Qalǵan 6 ekopost aqpan-naýryz ailarynyń sońyna deiin jumysyn bastaidy. Kóktem mezgili bastalysymen Almatyda jyljymaly ekologiialyq beketter de óz jumysyn bastamaqshy.
Aita ketsek, Almatyda qańtar oqiǵalary kezinde buzaqylar 13 ekologiialyq postty órtep, 4 beketti syndyryp, tonaǵan. Tek 2 beket qana aman qalǵan bolatyn.
