Almatyda kóshi-qon ortalyǵy aldyndaǵy kezek videoǵa túsirildi, - dep habarlaidy Tengrinews.kz agenttigi.
Video Instagram-daǵy kris_p_brothers_official paraqshasynda jariialandy.
"Almatydaǵy kóshi-qon ortalyǵy. Adamdar eńbek ministrliginiń jańa baǵdarlamasy úshin ekinshi kún qujattaryn tapsyra almai júr. Eńbek ministrliginiń kesirinen adamdarda qujat merzimi ótip, aiyppul salynyp jatyr", - delingen video sipattamasynda.
"QR kóshi-qon HQKO-larynda Qazaqstanda jumys isteýge ruqsat alýǵa nemese ruqsatyn uzartýǵa niet bildirgen eńbekshi immigranttardyń maýsymdyq tolqyny baiqalady. Bul qyzmetti buryn IIM kórsetken, biraq 2021 jyldyń 16 mamyrynan bastap Eńbek jáne halyqty áleýmettik qorǵaý ministrligine berilgen. Osy sebepti, keibir jaǵdailarda klientterdiń tólqujat derekterin túzetý qajet.
Biz kóshi-qon HQKO-larynda qyzmet kórsetý protsesin jedeldetý úshin bar kúshimizdi salamyz. Qujattardy qabyldaityn qyzmetkerler sany ulǵaidy. Klientterden osy jaǵdaiǵa túsinistikpen qaraýdy suraimyz", - dep habarlady "Azamattarǵa arnalǵan úkimettiń" baspasóz qyzmeti ókilderi.
