Foto: Polisia.kz
Almaty politsiiasy jańa jyl túni qarsańynda 10 páterge urlyqqa túsken kúdiktilerdi ustady, - dep habarlaidy "Ult aqparat" Polisia.kz-ke silteme jasap.
Jambyl oblysynyń eki turǵyny qalanyń Almaly jáne Bostandyq aýdandarynda júrgen. Jai júrip qoimai, bótenniń páterlerine kirip, zattardy urlaǵan. Qylmystyq juptyń 10 urlyqqa qatysy bar.
"Qaskóiler standartty tizbek boiynsha áreket etti. Olar aýlalardy aralap, kópqabatty úilerdiń terezeleri men kireberisterin qarap, páterde bireýdiń bar-joǵyn tekserdi, kireberiske kirip, kilt tańdaý nemese qulypty buzý arqyly páterge kiretin esikti ashyp, úidegi qundy zattardyń bárin alyp shyqty. Bul - qolma-qol aqsha, shaǵyn tehnika, ártúrli zergerlik buiym. Bireýi bóten adamnyń úiinde ielik etip júrgende, ekinshisi kólikte kútip otyrǵan", - deidi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.
Onyń aitýynsha, Bostandyq aýdandyq PB KPB arnaiy tobynyń qyzmetkerleri jáne politsiianyń arnaiy jasaǵynyń kómegimen jedel-izdestirý is-sharalary barysynda 1996 jyly týǵan S. esimdi azamat jáne onyń serigi 2000 jylǵy S. esimdi azamat ustaldy.
Olar urlyqqa túsken páterden tsifrlyq tehnika men qarajat joǵalyp ketken. Kúdiktiler zattai aiǵaqtardan qutylyp úlgermegen. Olar ustaý kezinde tárkilendi jáne qylmystyq iske qosyldy.
Qazir "qylmystyq dýettiń" músheleri ýaqytsha ustaý izoliatoryna qamaldy. QR Qylmystyq kodeksiniń 188-baby 3-bóligi boiynsha sotaldy tergeý amaldary júrgizilip jatyr.
"Buryn kúdiktilerdiń zańǵa qatysty máseleleri bolǵan. Al ustalǵandardyń biri Qazaqstannyń basqa aimaqtarynda birqatar urlyq jasaǵany úshin halyqaralyq izdeýde bolǵan. Qazir ekeýiniń de jalpy qala aýmaǵynda buryn jasalǵan osyǵan uqsas qylmystarǵa qatysy bar-joǵy tekserilip jatyr", - dedi Qýatbek Naýatov.
