Foto:telsglobal.kz
«Atameken» Qazaqstan Respýblikasynyń Ulttyq kásipkerler palatasy barlyǵyn «HomeTech&Electra 2024» halyqaralyq elektronika jáne turmystyq tehnika kórmesine qatysýǵa shaqyrady.
Is-shara 2024 jyldyń 30 shildesinen 1 tamyzyna deiin Almaty qalasyndaǵy «Atakent» kórme ortalyǵynda ótedi.
«Atameken» UKP aqparattyq seriktes bola otyryp, barlyq múddeli qatysýshylardy/eksponentterdi shaqyrady. Sizdiń tájiribeńiz ben qatysýyńyz kásiporyndar arasynda bilim men tájiribe almasýdy qamtamasyz ete otyryp, is-sharanyń sátti ótýine aitarlyqtai yqpal etedi.
Kórmeni halyqaralyq biznes-is-sharalarǵa mamandanǵan World Silk Way kompaniiasy uiymdastyrady. Kompaniianyń missiiasy ózara tiimdi seriktestikti damytý jáne ártúrli elderdiń kompaniialary arasyndaǵy bailanysty nyǵaitý, sondai-aq birlesken kásiporyndar ashýǵa, ótkizý naryqtaryn keńeitýge, básekege qabilettilikti arttyrýǵa jáne paidany ulǵaitýǵa járdemdesý bolyp tabylady.
Biznes úshin múmkindikter:
1. Tikelei bailanys ornatý jáne tiimdi usynystar alý, onyń ishinde iskerlik bailanystar ornatý jáne kelisimsharttar jasaý úshin V2V-sessiialarǵa qatysý, sondai-aq elektronika men turmystyq tehnikanyń jetekshi óndirýshilerimen tikelei bailanys.
2. Óńirde biznesti keńeitýge múddeli kompaniialarmen tanysý, atap aitqanda: SAMSUNG, Hoffman, Toyin, Remax, Aisen, Tokit, Shanmu, Hengke Industrial, Linhai Electric, B E A R jáne basqalar. Sondai-aq álemdik kóshbasshylardyń jańa ónimderimen jáne tehnologiialarymen tanysý.
3. Kórme aiasynda túrli is-sharalarǵa qatysý:
- Arnaiy qonaqtardyń, QR jáne basqa elderdiń ýákiletti organdarynyń qatysýymen ótetin forým;
- HomeTech&Electra kórmesi;
- Satýshylar men satyp alýshylarǵa arnalǵan B2B sessiialary;
- Taýarlar jármeńkesi;
- Óz qyzmetterin usynýǵa jáne biznesti damytýǵa kómektesýge daiyn marketpleisterdegi satý mamandarynyń, brokerler men logistikalyq kompaniialardyń prezentatsiialary;
- HomeTech&Electra Innovation Awards 2024;
- Kedendik rásimdeý jáne logistika boiynsha seminarlar;
- Eksport/import máseleleri boiynsha memlekettik qurylymdarmen jáne damý institýttarymen ózara is-qimyl boiynsha konsýltatsiialar.
