Almatyda Keńsai ziratynyń aýmaǵy qysqartyldy. Bul týraly búgin ótken bifing barysynda Medeý aýdanynyń ákimi Sultanbek Mákejanov aitty, dep habarlaidy "Ult aqparat".
«Keńsai-3 aýmaǵyna qatysty suraq kóp. Ol jerde 90 gektar jer bar bolatyn. Olardyń 35 gektary adam jerleýge berilse, qalǵany sanitarlyq aimaq bolyp sanalady. Turǵyndardyń pikirin eskere otyryp, adam jerleý territoriiasyn 15 gektarǵa qysqartyp, qalǵan 70 gektar artyq jerdi sanitarlyq aimaqqa ainaldyrdyq. Byltyr ol jerge 3800 qaraǵash otyrǵyzdyq. Turǵyndardyń suranysymen qorshaýdy aldyq. Sebebi, qorshaý tursa, adam jerleýge bólingen oryn ispetti bolady eken», - dedi ákim esepti kezdesýinde.
Aýdan ákimi osy máseleni sheshý úshin Keńsai 1-2 saiajaiy turǵyndarymen kezdesken.
«Turǵyndardyń keibireýi shuǵyl qorshaý qoiyńdar deidi. Keibiri qajet emes deidi. Sol úshin saiajai turǵyndaryna turǵyndardyń jinalysyn ótkizýdi tapsyrdym. Eger osy másele sheshimin tapsa, biz qorshaýlardy Keńsai 1-2 aimaǵyna aýystyramyz. Biz ritýaldy qyzmet kórsetý kombinatymen birigip osy máseleni sheship jatyrmyz», - dedi aýdan ákimi.
