الماتىدا كەڭساي زيراتىنىڭ اۋماعى قىسقارتىلدى. بۇل تۋرالى بٷگٸن ٶتكەن بيفينگ بارىسىندا مەدەۋ اۋدانىنىڭ ەكٸمٸ سۇلتانبەك مەكەجانوۆ ايتتى, دەپ حابارلايدى "ۇلت اقپارات".
«كەڭساي-3 اۋماعىنا قاتىستى سۇراق كٶپ. ول جەردە 90 گەكتار جەر بار بولاتىن. ولاردىڭ 35 گەكتارى ادام جەرلەۋگە بەرٸلسە, قالعانى سانيتارلىق ايماق بولىپ سانالادى. تۇرعىنداردىڭ پٸكٸرٸن ەسكەرە وتىرىپ, ادام جەرلەۋ تەرريتوريياسىن 15 گەكتارعا قىسقارتىپ, قالعان 70 گەكتار ارتىق جەردٸ سانيتارلىق ايماققا اينالدىردىق. بىلتىر ول جەرگە 3800 قاراعاش وتىرعىزدىق. تۇرعىنداردىڭ سۇرانىسىمەن قورشاۋدى الدىق. سەبەبٸ, قورشاۋ تۇرسا, ادام جەرلەۋگە بٶلٸنگەن ورىن ٸسپەتتٸ بولادى ەكەن», - دەدٸ ەكٸم ەسەپتٸ كەزدەسۋٸندە.
اۋدان ەكٸمٸ وسى مەسەلەنٸ شەشۋ ٷشٸن كەڭساي 1-2 ساياجايى تۇرعىندارىمەن كەزدەسكەن.
«تۇرعىنداردىڭ كەيبٸرەۋٸ شۇعىل قورشاۋ قويىڭدار دەيدٸ. كەيبٸرٸ قاجەت ەمەس دەيدٸ. سول ٷشٸن ساياجاي تۇرعىندارىنا تۇرعىنداردىڭ جينالىسىن ٶتكٸزۋدٸ تاپسىردىم. ەگەر وسى مەسەلە شەشٸمٸن تاپسا, بٸز قورشاۋلاردى كەڭساي 1-2 ايماعىنا اۋىستىرامىز. بٸز ريتۋالدى قىزمەت كٶرسەتۋ كومبيناتىمەن بٸرٸگٸپ وسى مەسەلەنٸ شەشٸپ جاتىرمىز», - دەدٸ اۋدان ەكٸمٸ.
