Foto: Mádeniet jáne aqparat ministrligi
Almatydaǵy Jambyl atyndaǵy Qazaq memlekettik akademiialyq filarmoniia sahnasynda halyq aqyny, ánshi-kompozitor, Jetisý án mektebiniń ókili Kenen Ázirbaevtyń 140 jyldyq mereitoiyna arnalǵan kontsert ótti. Is-sharada N.Tilendiev atyndaǵy akademiialyq folklorly-etnografiialyq «Otyrar sazy» orkestri óner kórsetti, dep Ult.kz.
Kontsert baǵdarlamasynda Kenen Ázirbaevtyń tanymal týyndylary «Qordai», «Anama», «Boztorǵai» oryndalyp, orkestrge laiyqtalǵan shyǵarmalary jáne N.Tilendiev pen qazaqstandyq kompozitorlardyń týyndylary tyńdarman nazaryna usynyldy. Kontsert barysynda Qazaqstannyń halyq ártisi Altynbek Qorazbaev sahnaǵa shyǵyp, qazaq mádenietiniń maqtanyshy Kenen Ázirbaevtyń ómiri men shyǵarmashylyǵy týraly áńgimeledi.
Foto: Mádeniet jáne aqparat ministrligi
Sonymen qatar, kórermenderge Qazaqstannyń Halyq ártisi Ramazan Stamǵaziev, eńbek sińirgen qairatker Nurjan Janpeiisov, Mádeniet salasynyń úzdigi Sholpan Darjanova, Beibit Musaev jáne filarmoniia solisteriniń óneri usynyldy. Kontsertte orkestrdi Qazaqstannyń eńbek sińirgen qairatkeri Jalǵasbek Begendikov dirijerlik etti, al kórkemdik jetekshisi — Dinzýhra Tilendieva.
Merekelik keshke Kenen Ázirbaevtyń murasyn jalǵastyryp, halyq arasynda nasihattap júrgen Tórtken Kenenqyzy bastaǵan urpaqtary da qatysty.
Foto: Mádeniet jáne aqparat ministrligi
