Sputnik / Abzal Kaliev
Almatyda "Qazaqtelekom" telekommýnikatsiialyq kompaniiasynyń qyzmetkerleri jalaqyny kóterýdi talap etip, jumysqa shyǵýdan bas tartty.
Kompaniia baspasóz qyzmetiniń Sputnik Qazaqstan tilshisine bergen aqparatyna sáikes, jumysqa tehnikalyq bólimniń qyzmetkerleri shyqpai qalǵan.
Olar ofiste jinalys uiymdastyrdy.
"Qyzmetkerler jalaqyny kóterý týraly talaptaryn aýyzsha jetkizdi", - dedi kompaniiadaǵylar.
Qazirgi kúni kompaniia basshylyǵy narazylyq bildirýshilermen kelissóz júrgizip jatyr. Olarǵa zań aiasynda bastamashyl top quryp, kásipodaqpen birlesip negizgi talaptardy belgileý jóninde usynys aityldy.
"Qyzmetkerlerdiń talaptary mindetti túrde qaralatyn bolady", - dedi baspasóz qyzmeti.
"Qazaqtelekom" málimetinshe, kompaniiada jalaqy máselesi únemi qarastyrylyp keledi. Onyń ishinde tehnikalyq bólim mamandaryna basymdyq berilgen.
