Foto: polisia.kz
Almatyda esirtki qylmysyna qarsy is-qimyl bólinisteriniń qyzmetkerleri Italiia men Polshadan Qazaqstanǵa jetkiziletin kokain arnasynynyń jolyn kesti, - dep habarlaidy «Ult aqparat» Polisia.kz saityna silteme jasap.
Ońtústik astanada jalǵa alynǵan páterde salmaǵy 250 gramm kokain tárkilendi.
"Ol kofe túrinde plastikalyq kapsýlalarǵa jasyrylǵan. Budan ári qazposhta bólimshesinde kúdiktige tiesili sálemdemeni tárkileý boiynsha tergeý sharalary júrgizildi. Odan jalpy salmaǵy shamamen 1 keli esirtki zattary bar plastikalyq bankalar tabyldy, onyń ishinde 0,5 keli kokain jáne 400 gramnan astam ekstazi bolǵan. Bul úsh myńnan asa bir rettik doza bolady", - delingen habarlamada.
Ustalǵan sheteldik kýrer fýnktsiiasyn úsh aiǵa jýyq oryndap kelgen, al Almatyǵa sharýashylyq taýar retinde jasyrylǵan poshta sálemdemeleri arqyly esirtkiniń sirek túrlerin satý maqsatynda ǵana kelgen.
"Ustalǵan adamǵa qatysty esirtki zattaryn ótkizý maqsatynda asa iri mólsherde zańsyz satyp alý jáne saqtaý deregi boiynsha sotaldy tergep-tekserý amaldary júrgizilip jatyr. Esterińizge sala keteiik, bul qylmystar úshin múlki tárkilenip, on jyldan on bes jylǵa deiingi merzimge bas bostandyǵynan aiyrý jazasy qarastyrylady. Kúdikti qamaýǵa alyndy. Elge kokain jetkizý arnalaryn anyqtaý boiynsha is-sharalar jalǵasyp jatyr. Ózge aqparat tergeý múddesi úshin jariia etilmeidi", – dedi QR IIM esirtki qylmysyna qarsy is-qimyl departamenti bastyǵynyń orynbasary Baqytjan Ámirhanov.
