Almaty qalasyndaǵy respýblikalyq Dostyq úiinde Qazaqstan halqy Assambleiasynyń etnomádeni birlestiktermen respýblikalyq keńesi ótip jatyr, dep habarlaidy "Ult aqparat".
Is-sharaǵa Qazaqstan halqy Assambleiasy tóraǵasynyń orynbasary, QR Prezidenti Ákimshiliginiń QHA hatshylyǵynyń meńgerýshisi M.Ázilhanov, Qazaqstan halqy Assambleiasy tóraǵasynyń orynbasary Z.Kýziev, QR Parlamenti Májilisiniń depýtattary V.Nábiev, A.Hamedov, QR AQDM etnosaralyq qatynastardy damytý komitetiniń tóraǵasy Ǵ.Shoikin, QHA músheleri, respýblikalyq etnomádeni birlestikterdiń basshylary men jastar qatysyp jatyr.
«Men respýblikalyq etnomádeni birlestikterdiń jetekshilerimen tanysý úshin jáne Assambleianyń 29-shy sessiiasynyń nátijelerin talqylaý úshin Almatyǵa arnaiy ushyp keldim. Búgingi kezdesý barysynda biz aldaǵy mindetterimizdi anyqtaityn bolamyz. Qazaqstan halqy Assambleiasynyń HHIH sessiiasynda berilgen tapsyrmalardy júzege asyrýdy talqylaimyz «, - dedi Marat Ázilhanov.
Keńes sheńberinde QHA-nyń HHIH sessiiasynda berilgen tapsyrmalardy iske asyrý turǵysynan Assambleia men etnomádeni birlestikterdiń aldynda turǵan mindetterdi, QR AQDM etnosaralyq qatynastardy damytý jónindegi komiteti jumysynyń ózekti máselelerin, sondai-aq Assambleianyń respýblikalyq etnomádeni birlestiktermen birlesken jobalardy iske asyrý barysy pysyqtalady.
