Foto: Almaty politsiia basqarmasy
Almatyda ánshi Qairat Nurtastyń kontsertine orai qoǵamdyq tártip pen kórermenderdiń qaýipsizdigin qamtamasyz etý maqsatynda qosymsha sharalar engiziledi, dep habarlaidy Ult.kz Tengrinews.kz-ke silteme jasap.
Politsiia departamentiniń málimetinshe, 31 qazan kúni saǵat 19:00-de ótetin kontsert Ortalyq stadionda uiymdastyrylady.
Qoǵamdyq tártipti saqtaý jáne keptelisterdiń aldyn alý úshin kólik qozǵalysy ýaqytsha shektelýi múmkin.
Shekteý aimaǵy: Abai dańǵyly – Baitursynov, Muqanov jáne Sátbaev kósheleriniń aralyǵy.
Politsiia qala turǵyndary men qonaqtaryn engizilgen sharalarǵa túsinistikpen qarap, qozǵalys baǵytyn aldyn ala josparlaýǵa shaqyrdy.
«Qoǵamdyq tártipti saqtańyzdar jáne politsiia qyzmetkerleriniń nusqaýlaryn oryndańyzdar», – delingen habarlamada.
Aita keteiik, Qairat Nurtastyń bul kontserti onyń shyǵarmashylyq jolyndaǵy eń iri shoýlardyń biri bolmaq.
